Wizara ya Vijana na Michezo iliendelea kutekeleza shughuli za Mkutano wa kwanza wa Kitaifa wa Kairo kwa Vijana wa Sudan Kusini, ulioandaliwa kwa Wizara ya Vijana na Michezo kupitia (idara ya Vyuo Vikuu - Ofisi ya Vijana wa kiafrika) kwa kushirikiana na Umoja wa Kitaifa wa Vijana wa Sudan Kusini, Wizara ya Vijana na Michezo ya Sudan Kusini na Chuo Kikuu cha Kairo, Tawi la Khartoum , kama sehemu ya mradi "Umoja wa Bonde la Mto Nile ... Maoni ya Baadaye" katika toleo lake la tatu chini ya kauli mbiu ya "Kwa ajili ya Sudan Kusini", unaofanyika katika kipindi cha 3 hadi Aprili 8, 2021, katika Kituo cha Olimpiki huko Maadi.

Shughuli za siku ya pili zilikamilishwa  kwa kuandaa kikao cha majadiliano juu ya dhana ya nchi ya kitaifa, ikisimamiwa na mwandishi wa habari Jamal Raif, Naibu Mhariri mkuu wa Jarida la Oktoba, na ushiriki wa Jenerali Ahmed Nasser, Rais wa shirikisho la Mashirikisho ya Afrika "AOXA", Dokta Fathy Shams El-Din, Profesa wa Redio na Televisheni katika Chuo Kikuu cha Benha, na Dokta Adel Al-Adawi, Profesa wa Sayansi za Siasa na mahusiano ya kimataifa katika Chuo Kikuu cha Marikani huko Kairo.

Kikao hicho kilihusu mahusiano ya pande mbili kati ya Sudan Kusini na Misri na juhudi za serikali katika maendeleo, pamoja na kujadili jukumu la sekta binafsi katika kujenga vyombo vya habari vya kitaifa na njia za kukabiliana na uvumi na maoni potofu ya vyombo vya habari.

Wakati wa kikao hicho, Meja Jenerali Ahmed Nasser, Rais wa Jumuiya ya Mashirikisho ya Afrika (UXSA) alisifu jukumu la Wizara ya Vijana na Michezo inayoongozwa na Dokta Ashraf Sobhy katika kuimarisha na kukuza uwezo wa vijana wa bara la Afrika, akishukuru uongozi wa kisiasa kujali vijana wa Sudan Kusini na kwa kufanya mkutano huo, ambayo ni fursa halisi ya kubadilishana maoni na uzoefu wa vijana na maendeleo ya mahusiano kati ya nchi hizo mbili.

Kwa upande wake, Dokta Adel Al-Adawi, Profesa wa Sayansi za Siasa na Mahusiano ya Kimataifa katika Chuo Kikuu cha Marikani huko Kairo, alithibitisha kuwa Misri inaweka bara la Afrika na bonde la Mto Nile juu ya vipaumbele vyake chini ya uongozi wa Rais El- Sisi, na miaka ya nyuma imeshuhudia juhudi kubwa kusaidia nchi zote, ikionesha kwamba Mkutano wa kwanza wa Kitaifa wa Kairo wa Vijana Sudan Kusini chini ya kauli mbiu ya "Kwa ajili ya Sudan Kusini " unakuja katika mfumo wa hamu ya kukuza njia za ushirikiano kati ya nchi hizo mbili kwa vizazi wa baadaye na kwa uratibu wa pamoja, na inathibitisha kipaumbele ambacho uongozi wa kisiasa na watu wa Misri huipa Nchi ndugu Sudan Kusini.

Dokta Fathy Shams El-Din, Profesa wa Redio na Televisheni katika Chuo Kikuu cha Benha, alielezea kuwa Mkutano wa kwanza wa Kitaifa wa Kairo kwa Vijana wa Sudan Kusini unaonesha kupanuliwa kwa mahusiano ya kihistoria ya Misri na Sudan, na hatua halisi katika kuimarisha mawasiliano kati ya Wamisri na Wasudan, kwa sababu wanashiriki masilahi na changamoto sawa na wanatumia teknolojia sawa sawa ya habari ambayo hufanya sehemu kubwa ya ufahamu wako wa maarifa, akiashiria kuwa mkutano huo ni fursa nzuri ya kubadilishana maoni na mawazo kwa kushiriki baadaye kati ya vijana wa Misri na Wasudan.