Dokta.Ashraf Sobhy, Waziri wa Vijana na Michezo, alikuwa na shauku ya kuhudhuria mazoezi ya timu ya kitaifa ya Soka, akisindikizwa na baraza jipya la Shirikisho la Soka la Misri linaloongozwa na Kocha Gamal Allam, kabla ya kusafiri kushiriki mashindano ya Mataifa ya Afrika,  yatakayofanyika kuanzia Januari 9 hadi Februari 6, huko Cameroon.

 Waziri huyo alithibitisha kuwa Wizara ya Vijana na Michezo na Shirikisho la Soka la Misri zinatoa msaada wa kila aina kwa timu ya kitaifa mnamo vipindi vijavyo, akiongeza kuwa mtaa wa michezo unasubiri kutwaa taji la ubingwa na kufurahisha umati mkubwa wa Misri.

 Sobhy alionesha imani yake kubwa kwa wachezaji wote wa timu ya kitaifa na wataalam wa ufundi, na kuwaomba kufanya kila juhudi wakati wa mashindano ili kutwaa taji la nane na kutoa kiwango kinachostahili cha mpira wa miguu wa Misri wakati wa mashindano ya Kombe la Mataifa ya Afrika huko Cameroon, akisisitiza uungaji mkono wa uongozi wa kisiasa wakati wote kwa timu zote za kitaifa.

 Ikumbukwe kuwa timu ya Misri itaanza safari yake mbele ya Nigeria Jumanne, Januari 11, na kisha timu ya Guinea Bissau Jumamosi, Januari 15, na kuhitimisha makabiliano yake na timu ya kitaifa ya Sudan Jumatano, Januari 19, katika mashindano ya kundi la nne