Waziri wa Vijana na Michezo ajiunga na kampeni ya "Kupitia Vijana Wetu" katika shughuli za Mwaka Mpya katika Kituo cha Vijana cha Gezira na mitaa ya Cairo

Dkt. Ashraf Sobhy, Waziri wa Vijana na Michezo, alijiunga na shughuli maalum zilizopangwa na kampeni ya "Kupitia Vijana Wetu" kuadhimisha Mwaka Mpya katika Kituo cha Vijana cha Gezira na mitaa ya Cairo. 

Shughuli hizo ilijumiisha  kusambaza zawadi, kuchora kwenye nyuso za watoto, na kufanya mashindano ya burudani kwa vijana katika mazingira ya furaha na sherehe za mwaka mpya.

Dkt. Ashraf Sobhy alitoa pongezi kwa juhudi za vijana walioshiriki katika kampeni hiyo, akiashiria kuwa mipango hii inachangia kuimarisha maadili ya utendaji wa kujitolea na ushiriki chanya wa jamii. Waziri alisisitiza katika taarifa yake:

“Nimefurahi sana leo kushiriki na vijana wa kampeni ya "Kupitia Vijana Wetu" katika shughuli nzuri za kuadhimisha mwaka mpya. 

Mipango hii inaonesha ubunifu na uwajibikaji wa vijana wetu, na inathibitisha jukumu lao  muhimu katika kueneza nguvu chanya na kuimarisha uhusiano wa jamii. Tunaamini katika uwezo wa vijana kuleta mabadiliko halisi katika jamii, na tutaendelea kuwaunga mkono katika kutekeleza mipango mingine inayochangia katika kufikia maendeleo endelevu.”

Waziri huyo aliongeza kuwa Wizara ya Vijana na Michezo inazingatia sana kuunga mkono shughuli na matukio ambayo yanachangia kueneza furaha baina ya wananchi, na kuhamasisha vijana kushiriki katika kazi za kujitolea ambazo huimarisha kuwa sehemu ya nchi na ushikamanifu kwa nchi.

Hafla hiyo ilifungwa katika mazingira ya sherehe pekee, ambapo watu waliohudhuria walieleza furaha zao kwa kushiriki na utayari wao wa kupanga mipango zaidi ya jamii katika mwaka mpya.